Primeiro obtemos o programa da páxina oficial
http://gl.libreoffice.org/descarga/
Unha vez descargado, descomprímese e comeza o proceso de instalación propiamente dito.
Como se ve, o asistente de instalación arrinca en castelán xa que aínda que se está instalando sobre Windows 7 coa interface en galego (LIP en galego) isto só é unha careta aparente e non unha verdadeira interface (ao contrario do que sucede en Linux) ... e o software que se instala sábeo. Por iso "recoñece" que o que está de base é un sistema en castelán e así se comporta.
Este aspecto trae inmediatas consecuencias no modo de instalar.
Se seleccionamos a “ Instalación Típica”, entón instalarase exclusivamente en castelán (e inglés) pero non en galego.
É imprescindible escoller a instalación personalizada para que nos dea opción a instalar a versión en galego.
Por outro lado, dado que LibreOffice 3.3 se distribúe para Windows nun único paquete con todos os idiomas sempre poderemos volver a lanzar o proceso de instalación e escoller neste paso o idioma da nosa elección. Non hai ningún outro método (ao contrario do que ofrece OpenOffice.org, para podermos obter un paquete de instalación directamente galego).
Desta maneira tamén, aínda que o sistema de instalación é o mesmo que para OOo.org nunca veremos o instalador en galego.
Nesta imaxe pódese ver que a interface predeterminada de ambas suites comeza a diferenciarse.
Nas vindeiras versións, a diferenza tenderá a radicalizarse moi rapidamente.
RSS 2.0